Fréttir

Ferðaáætlun FÍ 2018 er nú á leið í prentsmiðju og verður dreift til félagsmanna þriðjudaginn 9. janúar.

Ferðafélag Íslands hefur afhent Lífi, styrktarfélagi, allan ágóða af FÍ Háfjallakvöldi sem haldið var fyrr í vetur, alls kr. 1.362.000.

Ferðafélag Íslands hefur lokið innnleiðingu gæðaviðmiða Vakans og er nú þátttakandi í Vakanum.

Gefðu árgjald FÍ, gönguskó, hitabrúsa eða árbækur í jólagjöf. Frábær jólatilboð.

Í gær voru afhjúpuð fræðslu- og varúðarskilti á þremur stöðum við Esjurætur. Skiltin eru við vinsælustu gönguleiðina á fjallið, Þverfellshorn, við Kerhólakamb og við Skarðsá þar sem gengið er á Móskarðshnjúka.

Í árbók FÍ 1928 talar Sigurður Nordal meðal annars um nauðsyn þess að kenna Reykvíkingum að ferðast svo að það verði ..... öðrum landsmönnum til sem minnstra óþæginda og truflunar. Hjörleifur Guttormsson rifjaði þessi orð Sigurðar upp þegar hann var gerður að heiðursfélaga FÍ á afmælisfagnaði félagsins í gær.

„Við þurfum að þekkja landið til að elska það og virða og einmitt þar gegnir Ferðafélag Íslands afar mikilvægu hlutverki,“ sagði Guðni Th. Jóhannesson forseti Íslands í ávarpi sínu á 90 ára afmælisfagnaði FÍ sem haldinn var í Safnahúsinu seinnipartinn í dag.

Ferðafélag Íslands fagnar 90 ára afmæli sínu í dag. Félagið var stofnað með formlegum hætti þann 27. nóvember 1927 í svokölluðum Kaupþingssal í húsakynnum Eimskipafélags Íslands. Viðstaddir stofnun félagsins voru 63 fundargestir.

Við stofnun FÍ árið 1927 var þegar lagður grunnur að kjörsviðum félagsins, tilgangi og markmiðum sem nú 90 árum síðar eru enn hin sömu.

Sigrún Valbergsdóttir, varaforseti Ferðafélags Íslands, hefur átt samleið með félaginu í tæpa kvartöld eða allt frá því að hún lagði í nokkurra daga göngu á Hornstrandir ásamt eiginmanni sínum Gísla Má Gíslasyni. Sú ferð átti eftir að leiða hana á nýjar slóðir og það ekki einungis í leik heldur einnig starfi.