Fréttir

Laugardaginn 12. janúar gengur 52 fjalla hópur Ferðafélags Íslands á Mosfell við Mosfellsdal. Mosfellið er 280 metra hátt. Áætluð hækkun á göngu er 200 metrar og ætluð vegalengd 3.8 km. Gangan tekur 1-2 tíma.Lagt er upp frá bílastæði við kirkjuna á Mosfelli ca. kl. 10.20. Til þess að komast þangað skal aka þjóðveg eitt (Vesturlandsveg) en beygja inn á veg 36 Þingvallaveg í Mosfellssveit við Helgafell. Í Mosfellsdal er svo beygt inn á veg sem liggur heim að Mosfelli. Þeir sem vilja samflot eða hyggjast sameinast í bíla skulu mæta í Mörkina 6 en þaðan verður farið kl. 10.00 stundvíslega.Veðurspá fyrir laugardag er ágæt, hæg vestlæg eða breytileg átt og líklega úrkomulaust fyrri hluta dagsins, fremur svalt í veðri.

Kynningarfundur vegna Eitt fjall á mánuði, fjallaverkefnis FÍ, verður haldinn fimmtudaginn 10. janúar nk kl 20 í sal FÍ Mörkinni 6. Allir velkomnir.

Laugardaginn 5. janúar er á dagskrá fyrsta gangan í nýju 52 fjalla verkefni Ferðafélags Íslands. Gengið verður á Úlfarsfellið sem er 280 metra hátt. Gangan hefst við rætur fjallsins að sunnan og til þess að komast að upphafsstað göngu skal aka þjóðveg eitt (Suðurlandsveg) að Bauhaus, beygja þar inn á Lambhagabraut, beygja inn á Mímisbrunn, aka hann að Skyggnistorgi og síðan Skyggnisbraut  að bílastæði þar sem gangan hefst. Sjá nánar á korti hér.Þeir sem vilja verða samferða öðrum hittast í Mörkinni 6, við skrifstofur Ferðafélags Íslands rétt fyrir kl. 10.00 á laugardagsmorgun og þaðan er ekið í halarófu kl. 10.00 stundvíslega að upphafsstað göngu. Gangan tekur um 2.5 klst. og hækkun á göngu er um 200 metrar en vegalengd 4.5 km alls.Fyrstu tvær göngur verkefnisins eru öllum opnar en þeir sem vilja skrá sig til fullrar þátttöku geta hringt á skrifstofu Ferðafélagsins í síma 568-2533 eða sent póst á fi@fi.is.Búist er við sunnanátt og úrkomu á laugardaginn. Klæðið ykkur vel og þeir sem eiga mannbrodda skulu taka þá með því hugsanlega verður hált í spori. Hér fyrir neðan er kort sem sýnir ökuleiðina frá Bauhaus að upphafsstað göngu.  

Ferðaáætlunin er beinlínis bólgin af skemmtilegum ferðum og alls konar nýjungum, meðal annars stigvaxandi gönguskíðaferðum, ferðum á nýja toppa í Öræfafjöllunum, sögugöngu á slóðir Íslendingasagna, ferðum um háhitasvæði landsins í samstarfi við Landvernd, jógaferðum, alls konar ævintýralegum barna- og fjölskylduferðum, ferð þar sem blandað er saman göngu, hjólreiðum og siglingu, hringferðum um fjallatoppa og skundi eftir endilöngum fjallgörðum, göngum um eyðibyggðir, söguslóðir, þjóðleiðir, þjóðgarða, draugaslóðir, grónar grundir og eyðisanda, fræðsluferðum í samstarfi við Háskóla Íslands og margvíslegum göngum með heimamönnum í hinum ýmsu deildum Ferðafélags Íslands um allt land.  

Það er spenna og tilhlökkun í loftinu þegar hópur ferðafélaga kemur saman við upphaf ferðar hjá Ferðafélagi Íslands. Ferðafélagarnir eru vel útbúnir og hafa jafnvel lagt á sig nokkrar æfingar til þess að hafa gott líkamlegt þol. Þeir hafa valið þessa ferð umfram margt annað sem hægt hefði verið að verja tíma og fé til. En loksins er stundin runnin upp og nú safnast þetta allt saman í orðin tvö: „Af stað“. Og í þessum sporum hafa félagar í ferðum Ferðafélagsins staðið í áttatíu og fimm ár og alltaf brennur sama ferðalöngunin þó að ferðalögin og viðhorf til þeirra hafi gerbreyst.

„Þegar við hefjumst handa í lok hvers sumars við að undirbúa gönguferðir næsta sumars erum við enn með orkuna undir iljunum og margar góðar og spennandi hugmyndir. Við reynum að finna ný svæði á hverju ári án þess að gleyma ferðunum sem hafa notið vinsælda á undanförnum árum. Svo þarf að finna gott leiðsögufólki ssegir Sigrún Valbergsdóttur, formaður ferðanefndar Ferðafélags Íslands.Það er að mörgu að hyggja,“

Kynningarfundur fyrir Eitt fjall á viku 2013 verður haldinn í sal Ferðafélags Íslands,  Mörkinni 6 kl. 20.00 í kvöld. Þar munu fararstjórar þessa geysivinsæla verkefnis kynna dagskrá nýs árs, fyrirkomulag verkefnisins og svara spurningum. Hægt verður að skrá sig til þátttöku á fundinum en einnig má hringja í skrifstofu Ferðafélags Íslands í síma 568-2533.Ekki missir sá sem fyrstur fær segir gamalt máltæki og nýársgjöfin frá þér til þín gæti vel verið þátttaka í því ævintýri sem 52 fjalla verkefnið er. Bætt heilsa og nýr lífsstíll fylgir með.Skoðið dagskrá nýja ársins hér.