Örganga 26. maí
25.05.2010
Fjórða örgangan um nágrenni Grafarholts verður miðvikudag 26. maí. Lagt verður af stað frá vatnsgeymunum kl. 19:00. Leið: Gengið um stíginn sem liggur að Reynisvatni og norðan þess. Þá farið undir Reynisvatnsveginn og inn á stíg ofan nýja hverfisins sem kennt er við Haukadalsmenn . Stígurinn liggur austan í Reynisvatnsásnum og upp á hann - þaðan niður Klofabrekkur að Reynisvatni og gengið til baka um norðurbakkann.. Leiðin er að nokkru utan stíga og því ráðlegt að vera í góðum gönguskóm. Þetta er ekki hraðganga. Ætlaðir eru 1 1/2 - 2 klukkustundir til ferðarinnar. Örgöngur eru aldrei felldar niður vegna veðurs.