Dagsferð um Þjórsárdal og Heklusvæðið
01.06.2007
Dagsferð um Þjórsárdal, Landsveit og Heklusvæðið í samstarfi við Skógrækt ríkisins og Landgræðslu ríkisins. Þarna var blómleg byggð á fyrstu öldum Íslands byggðar, sem nú er löngu horfin. Á þessum ,,hring" er margt áhugavert að sjá sem tengist sögu þessarar byggðar og mannlífs, en einnig sögu jarðelda, uppblásturs og eyðingar. Þarna hefur verið unnið mikið starf við að stöðva gróðureyðingu og endurheimta lággróður og skóg. Í lok ferðar verður komið við í Gunnarsholti þar sem boðið verður upp á veitingar. Í för verða sérfræðingar á þessum sviðum og áhersla lögð á að varpa "nýju ljósi" á þessi svæði fyrir hinn almenna ferðamann. Fararstjórar Sveinn Runólfsson og Hreinn Óskarsson. Sjá nánar undir ferðir.