Fréttir

Föstudaginn 27. júlí til miðvikudagsins 1. ágúst - Sumarleyfisferð fyrir alla bíla. Fimm gistinætur. Unnt að slást í förina hvaða dag sem er - og hver og einn getur horfið heim á leið þegar hann vill.  Fararstjóri Gísli Ólafur Pétursson. Athugið einnig síðsumarferð bíladieldar fyrir jeppa og haustferð bíladeildar fyrir jeppa.

Komin er út ljóðabók, Á mörkum, eftir Valgarð Egilsson lækni og fráfarandi varaforseta Ferðafélags Íslands. JPV útgáfa gefur bókina út. Félagsmönnum F. Í. gefst færi á að kaupa bókina á tilboðsverði, 30 % lægra verði en útúr bókabúð( verð í bókabúð er 1990 kr.).

Esjudagurinn í gær fór vel fram og veðrið lék við þátttakendur og gesti.  Sjá myndir:Myndirnar tók Smári Jósafatsson fararstjóri miðvikudagsgöngum FÍ og SPRON á Ejsuna.    

Á milli 3 - 400 manns tóku þátt í Jónsmessugöngu FÍ og SPRON á Þverfellshorn.  Dagskráin hófst kl. 20.30. Árni Björnsson þjóðháttarfræðingur talaði um Jónsmessuna og Þjóðdansafélagið sýndi nokkra dansa.  Gönguferðin á Þverfellshorn hófst kl. 21 og voru flestir komnir á toppinn um kl. 23.  Á Þverfellshorni var bálhvasst og var því ekki hægt að kveikja í brennu sem til stóð að gera.  Eftir miðnætti lægði á toppnum en þá voru flestir komnir niður. Fjölmargir tóku því þó rólega og undu sér vel í náttúrufegurðinni í hlíðum Esjunnar á jónsmessunótt.  Enginn sást þó baða sig í dögginni enda menn kannski feimnir við það eftir útskýringar Árna Björnssonar.

Sumarleyfisferðir FÍ eru nú komnar í fullan gang.  Á næstu vikum er á  2 - 3 daga fresti er lagt í 4 -8 daga sumarleyfisferðir um allt land. Óbyggðagönguferðir þar sem gist er skálum eða tjöldum.

Veðrið lék við þátttakendur á Ejsudegi FÍ og SPRON í dag.  Dagskráin hófst klukkan 13.00. Fjölbreytt dagsrká var í boði, Esjukapphlaup, gönguferðir á Þverfellshorn og skógargöngur. Nylon, Jóvgan, Karíus og Baktus og fleiri skemmtu gestum.  Talið er að allt tvöþúsund gestir hafa heimsótt Esjuna í dag.  Í kvöld er miðnætur og Jónsmessuganga og hefst dagskráin kl. 20.30.  Kveikt verður í brennu á Þverfellshorni um kl 23.30 í kvöld, sungnir álfasöngvar og dansað.

Fjölmenni tók þátt í Jónsmessugöngu FÍ á Heklu í nótt.  Alls voru 165 skráðir þátttakendur í ferðinni og er það fjölmennasti hópur sem gengið hefur á Heklu í einni göngu.  Hópurinn var á toppnum laust eftir miðnætti og komið var niður um þrjúleytið.  Páll Guðmundsson fararstjóri í ferðinni sagði að stemmingin hefði verið góð, veðrið frábært og útsýnið einstakt, ekki síst miðnætursólarroðinn.  Sjá myndir úr ferðinni

Góð stemming er fyrir Jónsmessugöngu FÍ á Heklu. Alls eru 165 þátttakendur skráðir í ferðina og hefur ferðinni verið lokað.  Lagt verður af stað frá Mörkinni 6 kl. 18 stundvíslega. Næsta stopp er við Heklusetrið við Leirubakka í Landsveit, áætlað um 19. 40.  Þar verður sjoppu og pissustopp auk þess sem þátttakendum gefst kostur á að skoða Heklusetrið í boði FÍ.   Áætlað er að vera við Skjólkvíar um kl. 20. 45 og gangan á Heklu hefjist kl. 21.00. Páll Guðmundsson er fararstjóri í ferðinni og honum til aðstoðar 8 fararstjórar og 2 leiðsögumenn.

SPRON og Ferðafélag Íslands bjóða þér og fjölskyldunni að taka þátt í árlegum Esjudegi á Jónsmessunni laugardaginn 23. júní 2007 Frábær skemmtun í boði fyrir alla fjölskylduna. Frá kl. 13.00 – 15.00 verður boðið upp á Esjukapphlaup, Karíus og Baktus, Nylon, Jógvan, gönguferðir, hoppukastala, gos, grill og margt fleira skemmtilegt. Um kvöldið verður sannkölluð Jónsmessustemmning og verður gengið upp á Þverfellshorn. Söngur, glens og gaman og Jónsmessubrenna á toppi Esjunnar ef veður leyfir.

Ferðafélagið stendur fyrir brennu á Þverfellshorni á Jónsmessunótt.  Brennan er liður í dagskrá Esjudagsins sem FÍ og SPRON standa fyrir 23. júní. Um leið og eldur verður borinn að brennu verður stiginn dans og sungnir álfasöngvar við undirspil Guðmundar Hallvarðssonar Hornstrandajarls.   Við upphaf jónsmessugöngunnar á Esjuna sem hefst kl. 20.30 mun Árni Björnsson þjóðháttafræðingur fjalla um jónsmessuna og ýmsa siði er henni fylgja og Þjóðdansafélagið mun stíga dans.  Dagskráin verður öll hin þjóðlegasta og rómantískasta þar með miðsumarnætursólargeislar munu lita himininn rauðan um miðnætti þegar kveikt verður í brennunni. FÍ stóð fyrst fyrir Esjudegi 1994 og síðan 1997 hafa FÍ og SPRON staðið saman að Esjudeginum. Dagskráin Esjudagsins er tvískipt og afar fjölbreytt og ættu allir að geta fundið eitthvað við sitt hæfi.  Þátttakan er ókeypis og allir velkomnir. Með bestu kveðju Ferðafélag Íslands / SPRON