Fréttir

Heimsfrægir fjallgöngugarpar verða gestir á sérstöku Háfjallakvöldi Ferðafélags Íslands sem haldið verður í Hörpu, sunnudagskvöldið 12. mars. Tilefnið er 90 ára afmæli FÍ á árinu.

Hvert viltu fara í sumar? Á næstu vikum býður FÍ upp á svokölluð ferðakynningarkvöld þar sem fararstjórar fara yfir skipulag ferða og sýna myndir.

Ferðafélag Íslands hefur í samvinnu við VÍS unnið að áhættumati fyrir fjölmargar gönguleiðir á Íslandi og er þeirri vinnu haldið áfram. Vinnan felst í því að kortleggja þær hættur sem við er að etja, sem geta auðvitað verið fjölmargar, sérstaklega þegar ferðast er að vetrarlagi.

Glæný og afar forvitnileg sögu- og fræðsluferð verður í apríl um Norðurland þar sem farið verður um heimaslóðir Agnesar Magnúsdóttur og örlagasaga hennar sögð. Þetta er sannkölluð menningarferð þar sem hinn þaulreyndi fararstjóri og leikstjóri, Sigrún Valbergsdóttir, leiðir för og varpar ljósi á örlagasögu Agnesar og Natans Ketilssonar.

Ferðafélag Íslands hitar upp fyrir göngusumarið með veglegri og skemmtilegri ferðakynningu fyrir alla fjölskylduna á Toyotasýningu sem haldin verður í Kauptúni á laugardaginn á milli kl. 12 og 16.

Hægt verður að gera kostakaup á vel völdum bókum útgefnum af FÍ á Bókamarkaði Félags íslenskra bókaútgefenda sem hefst um helgina.

Fyrsta fræðslu- og myndakvöld Ferðafélags Íslands verður haldið núna á miðvikudagskvöldið 15. febrúar. Yfirskriftin er Brot úr 90 ára sögu FÍ.

Í tilefni af 90 ára afmæli Ferðafélags Íslands bjóðast félögum í FÍ sérstök afsláttarkjör í mikla ævintýraferð til Grænlands dagna 2.-13. september 2017. Flogið er til Grænlands og siglt með íslensku skemmtiferðaskipi um marga af fegurstu stöðum Grænlands áður en siglt er heim til Íslands.

Félagar í Ferðafélagi Íslands fá í febrúar sérstakan 25% afslátt af sjúkratöskum. Töskurnar koma í fimm stærðum og henta í öll ferðalög, í dagsferðir eða í fjallajeppann.

Stjörnu- og norðurljósaferð Ferðafélags barnanna hefur verið frestað um sólarhring eða til laugardagskvöldsins 28. janúar. Betur viðrar til himinskoðunar á laugardaginn en á föstudaginn og verður haldið að Kaldárseli í Hafnarfirði til að horfa til himins.