Fréttir

Í tilefni af 90 ára afmæli Ferðafélags Íslands býðst félagsmönnum að kaupa nokkrar vandaðar vörur á sérstöku tilboðsverði. Um er að ræða sérmerkta jakka og peysur en líka alhliða gönguskó og endingargóða hitabrúsa.

Frábær þátttaka hefur verið í lýðheilsugöngum FÍ út um allt land sem af er þessum mánuði. Næstu göngur fara fram víðsvegar um landið n.k. miðvikudag, 20. september.

Lýðheilsugöngur Ferðafélags Íslands eru einn af hápunktum í afmælisári félagsins, en félagið fagnar 90 ára afmæli í ár. Fyrstu göngurnar af fjórum fóru fram víðsvegar um landið í gær. „Lýðheilsugöngurnar fara vel af stað, gengið var í öllum landshlutum í gær og þátttaka fór fram úr okkar björtustu vonum,“ seg­ir Ólöf Sívertsen verkefnastjóri hjá Ferðafélagi Íslands.

Lýðheilsugöngur Ferðafélags Íslands verða á öllu landinu nú í september og eru einn af hápunktunum í glæsilegri afmælisdagskrá FÍ en félagið fagnar 90 ára afmæli á árinu. Göngurnar munu fara fram alla miðvikudaga í septembermánuði kl. 18:00. Þetta eru fjölskylduvænar göngur sem taka u.þ.b. 60-90 mínútur og er tilgangur þeirra að hvetja fólk til útivistar og hreyfingar í góðum félagsskap og efla þar með heilsu sína og lífsgæði.

Ferðafélag Íslands var með sérstaka ferð í Þórsmörk í vikunni sérsniðna fyrir eldri og heldri borgara.  Ferðin var einstaklega vel heppnuð, ferðalangar heimsóttu og skoðuðu nágrenni í Húsadal, Langadal og Goðalandi.  Í Skagfjörðsskála, skála Ferðafélagsins, var boðið upp á kaffi og kleinur undir harmonikkuleik.  

Það var myndarlegur hópur félagsmanna og sjálfboðaliða FÍ sem fór í vinnuferð í Hornbjargsvita í lok júní sl. Tekið var til hendinni við að gangsetja húsið fyrir sumarið, þrífa, mála, lagfæra og koma upp rennunni sem flytur farangur úr fjörunni, auk þess að koma á rafmagni og hita í Hornbjargsvita.

Góð vísa er aldrei of oft kveðin. Það er mjög mikilvægt fyrir ferðamenn að vera vel búnir í ferðum sínum um hálendið. Göngufatnaður, hlífarfatnaður, bakpoki, nesti, gps tæki og fjarskiptabúnaður er nauðsynlegur í allar lengri ferðir. Þá er mikilvægt að kynna sér veðurspá, þekkja leiðina og aðstæður og skilja eftir ferðaáætlun á www.safetravel.is

Ferðafélag Íslands býður upp á einstaka ferð á fyrirhugað virkjanasvæði neðan Ófeigsfjarðarheiðar dagana 10. - 13. ágúst. Lagt er upp með að sýna þátttakendum í ferðinni umrætt svæði á hlutlausan hátt þannig að hver og einn geti myndað sér skoðun á þessum virkjanakosti byggða á eigin upplifun. Þátttakendur koma sér á eigin vegum til Norðurfjarðar fimmtudaginn 10. ágúst. Gist verður í tvær nætur að Valgeirsstöðum en eina nótt á á fyrirhuguðu virkjanasvæði. Gengið verður upp með Eyvindarfjarðará og að Eyvindarfjarðavatni og Hvalárvötnum og fossaraðir í í Hvalá og Eyvindarfjarðará skoðaðar, meðal annars fossinn Drynjandi. Þátttakendur heimsækja Kaffi Norðurfjörð og Kört og ganga á fjöll í Árneshreppi, þ.e. Urðartind og Töflu.

Ferðafélag Akureyrar (FFA) var stofnað þann 8. apríl 1936. Var það fyrsta deildin í Ferðafélagi Íslands (FÍ) utan Reykjavíkur. FFA beitti sér frá upphafi einkum fyrir ferðum um Norðurland en auk þess hefur oft verið farið á vegum félagsins í aðra landshluta og stöku sinnum erlendis.

Fyrsti þáttur nýrrar þáttaraðar um 90 ára sögu Ferðafélags Íslands verður frumsýndur á Hringbraut í kvöld klukkan 21:30, en þar fræðir sjónvarpsmaðurinn Sigmundur Ernir Rúnarsson áhorfendur sína um ferðamennsku hér á landi, allt frá landnámi til okkar daga. Alls eru þættirnir fjórir og allir á dagskrá á Hringbraut á fimmtudögum kl 21:30 fram í fyrstu vikuna í ágúst.