Fréttir

Göngugleði FÍ er alla sunnudaga og lagt af stað frá Mörkinni 6 kl. 10.30.  Ekið er í einkabílum að upphafsstað göngu og gengið í ca 3 - 6 klst eftir aðstæðum.  Þátttaka er göngugleðinni er ókeypis og allir velkomnir.  Þátttakendur taka með sér nesti og góðan búnað, bakpoka og hlífðarfatnað.

Ferðafélagið hefur um árabil verið með gestabók á Þverfellshorni á Esjunni. Gestabókin hefur verið geymd í útsýnisskífu FÍ í sérstökum hólki. Nú hefur FÍ komið fyrir tveimur póstkössum með gestabókum í Esjunni, annan við útsýnisskífuna á Þverfellshorni og hinn við ,,Steininn" en fjölmargir ganga að steininum og snúa þar við. FÍ og SRPON hafa staðið fyrir Esjuhappdrætti undanfarin sumur þar sem allir sem skrifað hafa nafn sitt í gestabókina hafa verið með í happdrættinu.

Í Skagfjörðsskála í Þórsmörk er myndaalbúm með fjölda mynda sem sýna jeppa og rútur í vandræðum í Merkuránum. Nokkrar myndir voru teknar í bæinn fyrir skömmu og skannaðar og eru nú settar hér á heimasíðu FÍ.  Myndirnar sýna að það er aldrei of varlega farið í ám og vötnum og auðvelt að festa sig og lenda í vandræðum.  Að sama skapi er yfirleitt hægt að finna gott vað og komast áfallalaust yfir ár, ef sýnd er aðgæsla, varfærni og þolinmæði. Sjá myndir á myndabanka FÍ

Í tilefni af 80 ára afmæli FÍ sem haldið verður hátíðlegt 27. nóvember nk verður hér á heimasíðu FÍ ljósmyndagetraun þar sem sýndar verða nokkrar myndir úr sögu félagsins. Spurt er hvaðan er myndin, hvenær var hún tekin og hverjir eru á myndinni. Ný myndaþraut verður í hverri viku fram að afmæli. Svör við hverri myndaþraut skulu send á netfangið fi@fi.is

Góð mæting var í haustgöngu Hornstrandafara í gær. Veður var þó á köflum vott en þó hvorki vont né gott og allir nutu göngunnar.  Um kvöldið var síðan etið og drukkið og dansað að hætti hornstrandafara svo úr varð hin besta skemmtun.  Arinbjörn Jóhannesson tók myndiir í ferðinni og sjá má á þeim að göngumenn þurftu að vaða ískaldar ár og læki.  Sjá myndir

Myndir úr sumarleyfisferðum FÍ má finna á myndasíðu FÍ hér á heimasíðunni. Félagsmenn og þátttakendur í ferðum eru hvattir til að skila inn myndum úr ferðum og verða þær þá settar í myndabankann. Skemmtilegar myndir úr sumarleyfisferð FÍ frá Jaka yfir á Hveravelli er að finna á myndasíðu Arinbjörns Jóhannessonar og á myndasíðu FÍ. Sjá myndir

Haustganga Hornstrandafara FÍ Ágætu Hornstrandafarar !Hin árlega haustganga Hornstrandafara FÍ verður farin   laugardaginn 13. október nk. Allir velkomnir. Við höfum svipað fyrirkomulag og áður þ.e. að hafa hana með árshátíðarívafi og blöndum saman útivist og skemmtun. Dagskráin verður í aðalatriðum á þessa leið:

Í ársbyrjun gaf FÍ út ritið Í náttúrunnar stórbrotna ríki og segir í ritinu frá óbyggðaferð á fjallabílum um Brúaröræfi frá 1954,  í Hvannalindir, Herðubreiðarlindir og Öskju.  Ingólfur Einarsson ritaði ferðadagbók í ferðinni og eru þær lýsingar nú gefnar út, ásamt myndum úr ferðinni og kortum.

Fréttapóstur frá Ferðafélagi Íslands 8. október. Hægt er að skrá sig á póstlista FÍ hér á heimasiðunni og fá þá relgulega fréttir af ferðum, skálum og félagsstarfi FÍ.

Myndakvöld miðvikudaginn 10. október Fyrsta myndakvöld FÍ að loknu sumri verður nk miðvikudagskvöld kl. 20.00 Þá kynnir Gerður Steinþórsdóttir dagbókina Í náttúrunnar stórbrotna ríki eftir Ingólf Einarsson en Ferðafélagið gaf hana nýlega út.Þar segir frá óbyggðaferð á fjallabílum um Brúaröræfi, eins og í Hvannalindir, Herðubreiðarlindir og Öskju. Sýndar verða ljósmyndir úr ferðinni og stutt kvikmyndarbrot.  Ingólfur ritaði dagbækur frá ferðum sínum í nær tvo áratugi, en ferðin inn á Brúaröræfi er sú eftirminnilegasta að hans sögn. Hann er heiðursfélagi í Hinu íslenska náttúrufræðifélagi. Gerður var yngsti þátttakandinn í óbyggðaferðinni og ritar formála að dagbókinni.Þá kynnir Leifur Þorsteinsson nýkomið fræðslurit FÍ; Gönguleiðir upp úr botni Hvalfjarðar, sýnir myndir frá svæðinu, segir frá gönguleiðum og kynnir á korti. Myndakvöldið hefst kl 20. Aðgangseyrir er að venju kr. 600 og innifalið er kaffi og meðlæti.  Allir velkomnir.