Fréttir

Skrifstofa Ferðafélagsins verður lokuð frá og með 23. desember 2011 opnum aftur 2. janúar 2012 kl 12.00. Síðasti opnunardagur skrifstofu er því 22. desember.    

Ferðafélag Íslands hefur í tvö ár starfrækt verkefni sem er ýmist kallað 52 fjalla verkefnið eða Eitt fjall á viku . Það  hefur notið mikilla vinsælda og hafa þátttakendur verið langt á annað hundrað bæði árin sem því hefur verið haldið úti.Nú er verkefni nýs árs í mótun og verður boðað til kynningarfundar snemma í janúar með auglýsingum í blöðum milli jóla og nýárs. Ákveðið hefur verið að opna fyrir skráningu nú þegar og geta áhugasamir sett sig í samband við skrifstofu FÍ.Í öllum meginatriðum verður verkefnið með svipuðu móti og verið hefur undanfarin tvö ár. Þó eru alltaf smávægilegar breytingar milli ára sem mótast af reynslunni sem safnast fyrir. Þannig hefur t.d. Hekla verið tekin af dagskránni og skemmtiferð til Vestmannaeyja sett á dagskrá í staðinn en þar ganga þátttakendur á hæstu fjöll Heimaeyjar og kynnast menningu eyjarskeggja.Á nýju ári verður fyrir utan fjöllin 52 boðið upp á tvö námskeið sem eru innifalin. Annars vegar er GPS námskeið þar sem farið er gegnum stillingar og notkun GPS tækja og helstu atriði siglingafræðinnar yfirfarin.Hinsvegar er kynning á búnaði, mataræði og líkamsþjálfun sem tengist útivist. Umsjón þessara námskeiða verður í höndum fararstjóra verkefnisins.Umsjónarmaður og aðalfararstjóri verkefnisins á nýju ári verður Páll Ásgeir Ásgeirsson en aðrir fararstjórar í teyminu eru: Hjalti Björnsson, Rósa Sigrún Jónsdóttir, Guðmundur Sveinbjörn Ingimarsson, Anna Lára Friðriksdóttir og Brynhildur Ólafsdóttir.

Á skrifstofu Ferðafélags Íslands má finna jólagjafir ferðafélagans, t.d. gjafakort í sumarleyfisferðir, helgarferðir og dagsferðir, árbækur og landlýsingar, fræðslurit, kort og ýmsan fróðleik.

Gönguverkefni FÍ Eitt fjall á viku, 52 fjöll ári, hefur gengið vel á árinu og nálgast þátttakendur nú markmiðið, þe að ganga á fjall nr. 52.  Stór hópur af þeim þátttakendum sem lögðu af stað í ársbyrjun eru enn galvaskir og munu klára verkefnið með stæl...

Bókin Leiðsögn um Vatnajökulsjóðgarð fæst nú á sérstöku hátíðaverði, aðeins kr. 2.900 fyrir félaga Ferðafélags Íslands. Bókin var gefin út í september 2011 á íslensku, ensku og þýsku. Hana er nauðsynlegt að eiga en að auki er hún tilvalin jólagjöf fyrir vini, bæði heima og erlendis.

Jónas Kristjánsson hefur áratugum saman skrásett þjóðleiðir á Íslandi og birtist afraksturinn í einstakri bók sem nú býðst félagsmönnum í Ferðafélaginu á sérstöku kynningartilboði.

Fræðsluerindi á vegum Hins íslenska náttúrufræðifélags. Fyrirlesari, Árni Hjartarson.  Í erindinu segir hann frá Hallmundarhrauni og leyndardómum þess. Árni skoðaði eldstöðvar hraunsins á ferð með gönguhópi frá Ferðafélagi Íslands s.l. sumar undir leiðsögn Sigrúnar Valbergsdóttur.

Myndakvöld á morgun miðvikudag 23. nóvember kl 20.00 í sal Ferðafélags Íslands Mörkinni 6. Myndir úr starfi félagsins. Frítt inn, allir velkomnir.

Helgarferð frá föstudegi til sunnudags þar sem farið verður í gönguferðir og stjörnuskoðun. Aðventustemmning með jólaföndri og kvöldvöku þar sem sagðar verða hrekkjasögur af jólasveinum.  Lagt af stað frá Mörkinni 6 kl. 18.00. Verð kr. 10.000 fyrir fullorðin , 5.000kr fyrir barn, fjölskylduverð kr.20.000. Innifalið: rúta,gisting,föndurefni og fararstjórn. Þátttakendur taka með sér nesti og góðan búnað.

Út er komin bókin 1001 þjóðleið eftir Jónas Kristjánsson hestamann, ferðafélaga og fyrrverandi ritstjóra.  Bókin er afar glæsileg og án ein allra besta ferðabók sem út hefur komið á síðari árum.  Í bókinni er yfir 1.000 göngu- og reiðleiðum lýst og þær sýndar á vönduðum kortum. Stafrænn diskur sem gerir kleift að hlaða leiðunum inn í GPS-tæki fylgir.