Fréttir

Í júní var farin ferð um sunnanverða Vestfirði undir fararstjórn Gísla Más Gíslasonar. Myndir Gunnlaugs Júlíussonar úr ferðinni má sjá hér.

Í tilefni af útkomu bókarinnar ,,Svarfaðardalsfjöll - Genginn fjallahringurinn umhverfis Svarfaðardal efna Ferðafélag Íslands, Ferðafélagið Hörgur og Útivist til göngu á nokkra þeirra 75 tinda sem umlykja Svarfaðardal.

Ferðafélag barnanna er nýkomið úr ferð um Laugaveginn.  Ferðin tókst mjög vel, veðrið lék við börn og fullorðna í ferðinni, farið var í leiki, slegið upp kvöldvökum, sungið og sprellað og varðeldur lokakvöldið.  Fararstjórar voru þau Eva og Daníel, sem meðal annars eru umsjónarmenn Útivistarskólans á Gufuskálum.   Næsta ferð Ferðafélags barnanna er berja- og föndurferð í Þórsmörk 19.-21. ágúst.  Skráning á skrifstofu FÍ.

Fjall mánaðarins í júlí er Tröllakirkja á Holtavörðuheiði. Sjöunda ganga verkefnisins Eitt fjall á mánuði á vegum Ferðafélags Íslands verður farin laugardaginn 23. júlí. Gengið verður á Tröllakirkju sem er 1001 m. hátt fjall vestan við Holtavörðuheiði. Tröllakirkju hafa flestir horft á þegar þjóðbrautin er ekin um Holtavörðuheiði en færri hafa gengið upp á fjallið þó ekki sé um langan veg að fara. Af Tröllakirkju sér víða um héruð í góðu skyggni enda eru sýslumörk þriggja sýslna á tindinum, Mýrasýsla, Strandasýsla og Dalasýsla mætast þar. Fjallið er byggt upp af basaltlögum 6-7 milljón ára gömlum og er mótað af rofi jökla. Í Tröllakirkju bjuggu tröll þursar við landnám. Þegar landsmenn tóku kristni og hófu að byggja kirkjur tóku þau að ókyrrast og flúðu flest norður á strandir.  Tröllkona ein var eftir í fjallinu og reyndi að eiða mönnum og kirkju með því að grýta bjargi einu ógurlegu af fjallinu og niður að Stað í Hrútafirði þegar fyrst átti að messa þar. Ekki dró hún lengra en að hestaréttinni og drap þar nokkur hross. Hugsanlega eru þessar sögusagnir ástæða þess að flestir hraða sér yfir heiðina þegar  þeir eiga þar leið um og leiða ekki hugann að því að ganga á fjallið. En nú verður breyting á. Við herðum upp hugann og mætum tröllkellu á hennar heimavelli. Gangan á fjallið er auðveld um gróið land en það getur verið nokkuð votlent á köflum. Búast má við snjósköflum efst en þeir verða ekki til trafala. Gangan hefst frá þjóðvegi 1 þar sem halla fer norður af háheiðinni, á milli Holtavörðuvatns og Grunnavatns. Við göngum vestur frá þjóðveginum yfir lægðina og smá hækkum okkur upp brekkurnar upp í skarð sem er sunnan við hæsta hnúkinn. Þaðan er haldið norður fjallið stuttan spöl á tindinn. Upphafsstaður göngu er við þjóðveg 1 þar sem halla fer norður af hábungu Holtavörðuheiðar. Bílastæði þarf að reyna að finna þarna en örugglega er hægt að leggja bílum þar sem sæluhúsið stóð fyrrum á háheiðinni. Ekinn er hringvegur 1 í gegnum Borgarnes og áfram upp Borgarfjörð áleiðis norður í land upp á Holtavörðuheiði.  Þar hefst gangan kl. 10.30. en þeir sem vilja geta hist í Mörkinni 6 við húsakynni Ferðafélagsins og sameinast í bíla. Brottför úr Mörkinni 6 er kl. 08.00. Hér er kort sem sýnir staðsetningu FÍ.Um er að ræða 700 metra hækkun og lengd göngu er um 12 km. fram og til baka. Gera má gera ráð fyrir að hópurinn verði við bíla aftur um kl. 16 - 17.00.  

Fjall mánaðarins í júlí er Tröllakirkja á Holtavörðuheiði. Sjöunda ganga verkefnisins Eitt fjall á mánuði á vegum Ferðafélags Íslands verður farin laugardaginn 23. júlí. Gengið verður á Tröllakirkju sem er 1001 m. hátt fjall vestan við Holtavörðuheiði. Tröllakirkju hafa flestir horft á þegar þjóðbrautin er ekin um Holtavörðuheiði en færri hafa gengið upp á fjallið þó ekki sé um langan veg að fara. Af Tröllakirkju sér víða um héruð í góðu skyggni enda eru sýslumörk þriggja sýslna á tindinum, Mýrasýsla, Strandasýsla og Dalasýsla mætast þar. Fjallið er byggt upp af basaltlögum 6-7 milljón ára gömlum og er mótað af rofi jökla. Í Tröllakirkju bjuggu tröll þursar við landnám. Þegar landsmenn tóku kristni og hófu að byggja kirkjur tóku þau að ókyrrast og flúðu flest norður á strandir.  Tröllkona ein var eftir í fjallinu og reyndi að eiða mönnum og kirkju með því að grýta bjargi einu ógurlegu af fjallinu og niður að Stað í Hrútafirði þegar fyrst átti að messa þar. Ekki dró hún lengra en að hestaréttinni og drap þar nokkur hross. Hugsanlega eru þessar sögusagnir ástæða þess að flestir hraða sér yfir heiðina þegar  þeir eiga þar leið um og leiða ekki hugann að því að ganga á fjallið. En nú verður breyting á. Við herðum upp hugann og mætum tröllkellu á hennar heimavelli. Gangan á fjallið er auðveld um gróið land en það getur verið nokkuð votlent á köflum. Búast má við snjósköflum efst en þeir verða ekki til trafala. Gangan hefst frá þjóðvegi 1 þar sem halla fer norður af háheiðinni, á milli Holtavörðuvatns og Grunnavatns. Við göngum vestur frá þjóðveginum yfir lægðina og smá hækkum okkur upp brekkurnar upp í skarð sem er sunnan við hæsta hnúkinn. Þaðan er haldið norður fjallið stuttan spöl á tindinn. Upphafsstaður göngu er við þjóðveg 1 þar sem halla fer norður af hábungu Holtavörðuheiðar. Bílastæði þarf að reyna að finna þarna en örugglega er hægt að leggja bílum þar sem sæluhúsið stóð fyrrum á háheiðinni. Ekinn er hringvegur 1 í gegnum Borgarnes og áfram upp Borgarfjörð áleiðis norður í land upp á Holtavörðuheiði.  Þar hefst gangan kl. 10.30. en þeir sem vilja geta hist í Mörkinni 6 við húsakynni Ferðafélagsins og sameinast í bíla. Brottför úr Mörkinni 6 er kl. 08.00. Hér er kort sem sýnir staðsetningu FÍ.Um er að ræða 700 metra hækkun og lengd göngu er um 12 km. fram og til baka. Gera má gera ráð fyrir að hópurinn verði við bíla aftur um kl. 16 - 17.00.  

Ferðafélag Akureyrar býður upp á áhugaverða ferð um Öskjuveginn 10. - 14. júlí með Ingvari Teitssyni sem fararstjóra.  Enn eru nokkur sæti laus í ferðina og bókast hjá Ferðafélagi Akureyrar.

Esjuverkefnum FÍ Esjan alla daga og Esjan fyrir byrjendur sem vera áttu í næstu viku hefur verið frestað.

Trex - Hópferðamiðstöðin ehf (frétt)     Daglegar ferðir  í Þórsmörk og Landmannalaugar byrja 1. júlí TREX - Hópferðamiðstöðin  ehf gefur félagsmönnum F.Í. og öðrum  tækifæri á að upplifa tvær af helstu náttúruperlum óbyggðana með rútuferðum  í sumar þar sem ekið er beint frá húsi Ferðfélagsins  Mörkinni 6 Reykjavík að skálunum  í Landmannalaugum og Langadal Þórsmörk. Ekið verður daglega fá tímabilinu 1. júlí og fram til 15. ágúst og til baka sömu daga.  Brottför er einnig frá tjaldstæðinu Laugardal kl.07,45, en  kl.08,00 er farið frá Ferðafélagshúsinu. Enginn ætti að sleppa tækifæri að kynnast þessum mögnuðu stöðum hvort sem er í dagsferð eða til lengri dvalar. Kjörið er að fara í dagsferð með um 3,5 klst stoppi eða að nýta sér gistiaðstöðu í skálum eða tjaldsvæðum.  Í Landmannalaugaferðinni er hægt að fara úr á leiðinni t.d. við Rjúpnavelli og Landmannahelli, en ferðirnar henta sérlega vel fyrir göngufólk. Félgsmenn í Ferðafélagi Íslands fá 10% afslátt í ferðinar. Nánari upplýsingar má fá á heimasíðunni: www.trex.is og á skrifstofunni að Hesthálsi 10, en einnig á fésbókarsíðunni: Trex - Travel Experiences.  

Esjan alla daga er verkefni sem FÍ býður upp á 4. - 8. júlí með fararstjóra.  Gengið verður um lítt farnar gönguleiðir í vesturhlíðum Esjunnar.  Þá verður boðið upp á léttar gönguferðir á Esjuna fyrir byrjendur 5. - 7. júlí.

Í torfærugír á Nesinu - mögnuð 2 daga fjallahjólaferð upp að Snæfellsjökli og nágrenni. 23. - 24. júlí. Nokkuð krefjandi fjallahjólaferð fyrir fólk sem vill upplifa einstaka náttúru og finna hjólakröftum sínum verðuga viðspyrnu. Brattar brekkur og grófir vegir, að ógleymdri óviðjafnanlegri fjallasýn, einkenna þessa ferð. Samanlögð vegalengd er 100 km.  Ferðatilhögun:  Dagur 1: Þátttakendur flytja hjól sín á eigin vegum upp á Snæfellsnes og hittast við Arnarstapa laugardaginn 23. júlí. kl. 11.00. Lagt er á Hálsleið, utan í Snæfellsjökli og hjólað upp í nærri 700 metra hæð. Þar tekur við magnað niðurbrun norður og niður á Ólafsvíkurveg. Þaðan liggur leiðin austur á Fróðarheiði og er frábær skemmtun að bruna hana niður á Snæfellsnesveg uns tekin er stefnan vestur á Arnarstapa í gistingu, (tjöld eða innigisting). Mæla má með kvöldmat í Fjöruhúsinu að Hellnum. Vegalengd: 55 km. Áætlaður ferðatími: 6-7 klst. Dagur 2: Sunnudaginn 24. júlí tökum við saman föggur okkar og ökum með hjólin út að Vegamótum, og hjólum gömlu Vatnaleiðina, yfir Snæfellsnesið í frábæru umhverfi. Hjólað er þvínæst í gegnum hið margfræga Berserkjahraun áður en haldið er til baka um nýju Vatnaleiðina.  Enginn verður svikinn af því að bruna niður af henni suður að Hjarðarfelli, í bílana. Heildarvegalengd: 45 km áætlaður ferðatími: 5-6 tímar. Æskilegt er að fólk sé á fjallahjóli í góðu ásigkomulagi og hafi meðferðis aukaslöngu, bætur og létt viðgerðasett og sjúkrapakka. Hjálmur og viðeigandi skjólfatnaður er nauðsynlegur.   Verð kr. 20.000