Fréttir

Töfrar náttúru Grænlands og berghlaup á Morsárjökli Myndakvöld Ferðafélags Íslands verður haldið í Mörkinni 6 á miðvikudagskveld kl. 20.00 þann 23. mars. Þar fer flest samkvæmt venju með fróðleik, glæsilegum ljósmyndum og kaffiveitingum í hléi.Myndasýningin er í umsjá Jón Viðars Sigurðssonar, jarðfræðings og ritstjóra árbókar Ferðafélagsins. Jón Viðar hefur ferðast vítt og breytt um byggðir og óbyggðir Grænlands s.l. 30 ár við leik og störf. Hann þekkir því vel til landsins og hefur heimsótt staði sem fáum er kunnugt um. Jón hefur í tvígang stýrt gönguferðum á Grænlandi á vegum FÍ.  

Ákveðið hefur verið að fara aðra vaðaferð í Merkurvötnin aðra helgina í apríl - 9.-10. apríl.  Þeir sem vilja ná betri tökum á að vaða straumvötn eru hvattir til að slást í þá för. 

19. mars mun Eggert Þór Bernharðsson, prófessor við Sagnfræði- og heimspekideild Háskóla Íslands, leiða gönguferð um Árbæinn og fjalla um vöxt Reykjavíkur og fyrsta úthverfið austan Elliðaár. Gönguferðin hefst við Árbæjarsafn við Kistuhyl kl. 14:00.

Útivera með léttum gönguferðum og sögulegum fróðleik þar sem kynnst er mannlífi á fyrri tíð, fornum leiðum og minjum ásamt tilkomumikilli náttúru Undir Jökli. Fyrri daginn er áætlað að fara að Búðum og ganga að Frambúðum. Farið verður um Stapasvæðið og gengið yfir að Hellnum og kíkt í Gestastofu Snæfellsjökulsþjóðgarðs. 

Aðalfundur Ferðafélags Íslands verður haldinn fimmtudaginn 17. mars kl. 20 í sal félagsins. Hefðbundin aðalfundarstörf. Stjórnin.

Laugardaginn 19. mars nk. verður fræðslufundur Nafnfræðifélagsins ístofu 131 í Öskju, náttúrufræðihúsi Háskóla Íslands, og hefst hann kl.13.15.Árni Björnsson dr. phil. heldur erindi sem hann nefnir Dularfull örnefni í Dölum.

Þátttakendur í Esjan að Vetri.  Göngunni í kvöld 15. mars verður frestað vegna veðurs. Ný dagseting auglýst síðar. 

Axel Kristjánsson félagsmaður í FÍ hefur sent félaginu frásögn af ferð síðan 1953 þegar gengið var úr Þórsmörk í Landmannalaugar.

Að undanförnu hefur verið unnið að kortlagningu á sprungusvæðum á jöklum.  Þessi vinna var sett í gang í því skyni að auka öryggi í ferðalögum um jökla en Ferðafélag Íslands styrkti verkefnið með myndarlegum hætti.

12. mars munu Laufey Steingrímsdóttir, prófessor, Sólveig Ólafsdóttir, sagnfræðingur, og Guðrún Hallgrímsdóttir, matvælaverkfræðingur, leiða gönguferð þar sem saga, menning og matur verða meginefnið.Gangan hefst á horni Aðalstrætis og Túngötu kl. 11:00 og henni lýkur við Sjóminjasafnið við Grandagarð. Gengið verður um gamla grænmetisgarða, stakkstæði, veitingastaði og verslanir liðins tíma. Samvinna er um gönguferðina við félagið Matur, saga, menning.