Fréttir

Fyrirhugaðri fjallaskíðaferð á Eyjafjallajökul núna á laugardaginn 19. mars hefur verið breytt í fjallaskíðaferð á Botnssúlur. Nokkur pláss eru laus í ferðina og áhugasamir eru hvattir til að mæta á undirbúningsfund í dag, fimmtudag kl. 17:45 í risinu fyrir ofan skrifstofur FÍ, Mörkinni 6.

Aðalfundur Ferðafélags Íslands verður haldinn fimmtudagskvöldið 17. mars. Fundurinn fer fram í sal Ferðafélagsins í Mörkinni 6 og hefst stundvíslega kl. 20. Á dagskrá eru hefðbundin aðalfundarstörf.

Kvöldið er tvískipt. Fyrstur tekur til máls Páll Bergþórsson, fyrrverandi Veðurstofustjóri, en hann ætlar að fjalla um Landnámstilraunir á Vínlandi. Næstur á stokk er Oddur Sigurðsson, jarðfræðingur á Veðurstofu Íslands, sem ætlar að fræða gesti um hörfun íslenskra jökla undanfarna áratugi

Stjórn Ferðafélags Íslands styður að hálendi Íslands verði friðlýst og gert að þjóðgarði. Markmiðið með friðlýsingu hálendis Íslands og helstu áhrifasvæða þess sem þjóðgarðs er að vernda náttúru hálendisins, s.s. landslag, lífríki og jarðmyndanir, og menningarminjar þess.

Landmannalaugasvæðið býr yfir mögnuðum náttúrutöfrum - hvort sem er að vetri eða sumri. Og margir eru svo heillaðir af vetrarfegurð svæðisins að þeir vilja helst ekki heimsækja staðinn á öðrum árstímum.

​Æfingahópur FÍ Landvætta snýst um fjölbreytta líkamsrækt með áherslu á útivist og langtímamarkmið. Þátttakendur taka þátt í fjórum þrautum á einu ári, þ.e. skíðagöngu, hjólreiðum, útisundi og fjallahlaupi og öðlast að því loknu sæmdarheitið Landvættur.

Fjall mánaðarins: Fótfrár og Þrautseigur. - 20. febrúar verður gengið á Grímannsfell í Mosfellsdal sem er 482 m. sem er staðsett austast í Mosfellsdal.

Fjallað verður um Skaftárhlaup í gegnum tíðina og afleiðingar þeirra á næsta mynda- og fræðslukvöldi Ferðafélags Íslands sem haldið verður miðvikudagskvöldið 17. febrúar kl. 20 í sal FÍ, Mörkinni 6.

Næstu þrjá mánuði mun FÍ kynna nokkrar af þeim ferðum sem boðið verður upp á næsta sumar á sérstökum kynningarkvöldum þar sem fararstjórar segja frá ferðunum og sýna myndir.

​Mikil vakning er í skíðaiðkun landsmanna. Á undanförnum árum hafa fjölmargir uppgötvað frelsi fjallaskíðanna þar sem gengið er upp fjöll með skinn undir skíðum og skíðað niður í ósnortnum snjó.