Fréttir

Ferðafélag Íslands hefur undanfarna tvo mánuði, í samstarfi við Reykjalund og Rannsóknarstofu í íþrótta- og heilsufræðum við Háskóla Íslands, boðið upp á gönguferðir fyrir offitusjúklinga sem um leið er hluti af rannsókn á áhrifum reglubundinnar útivistar í endurhæfingu offitusjúklinga á Reykjalundi.  Páll Guðmundsson framkvæmdastjóri FÍ segir að Ferðafélagið hafi undanfarin misseri unnið að því að efla samstarf við góða aðila um gönguferðir sem forvarnarstarf og endurhæfingu og samstarfið nú við Reykjalund og HÍ sé liður í því. Páll segir að loknu þessu rannsóknarverkefni sem nú standi yfir sé markmiðið að bjóða upp á slík verkefni opin öllum, auk þess sem horft sé til fleiri hópa svo sem þá sem eru með hjarta- og æðasjúkdóma, geðraskanir, þunglyndi og fleiri sjúkdóma, þar sem gönguferðir, líkamsrækt og útivera geta hjálpað verulega.

Göngugarpar munu sameinast um að búa til Ljósafoss niður Esjuna í dag og hefst ganga þeirra klukkan 14:30. Tilgangurinn með göngunni er að safna fé fyrir Ljósið, endurhæfingar- og stuðningsmiðstöð fyrir fólk sem hefur fengið krabbamein eða blóðsjúkdóma og aðstandendur þeirra, en félagið fagnar í ár fimm ára afmæli sínu. Af því tilefni rennur allur ágóði af kaffisölu í Esjustofu til félagsins í dag.

Árleg vetrarsólstöðuferð FÍ á Esjuna á síðasta sunnudegi fyrir aðfangadag 19. desember. Lagt af stað kl. 10 á sunnudagsmorgun frá Mörkinni 6. Þáttakendur sameinast í bíla. Gengið er upp frá Esjubergi á Kerhólakamb, yfir á Þverfellshorn og niður að bílastæði hjá Esjusstofu.

Ferðafélag Íslands býður upp á aðventuferð 1. desember þar sem gengið verður frá Austurvelli, umhverfis Tjörnina, með viðkomu á áhugaverðum stöðum og endað á kaffihúsi. Þátttaka ókeypis, allir velkomnir.

Ferðafélag barnanna býður upp á aðventuferð í Þórsmörk helgina 26. - 28. nóvember. Helgarferð frá föstudegi til sunnudags þar sem farið verður í gönguferðir og stjörnuskoðun.Aðventustemmning með jólaföndri og kvöldvöku þar sem sagðar verða sögur af jólasveinunum.Lagt af stað frá Mörkinni 6 kl. 18.00 á föstudegi.Verð kr. 10.000 fyrir fullorðinn, kr. 5.000 fyrir barn, fjölskylduverð kr. 20.000. Innifalið: rúta, gisting, föndurefni og fararstjórn. Þátttakendur taka með sér nesti og góðan búnað.  

26. - 28. nóvember – Aðventuferð í Þórsmörk Helgarferð frá föstudegi til sunnudags þar sem farið verður í gönguferðir og stjörnuskoðun. Aðventustemmning með jólaföndri og kvöldvöku þar sem sagðar verða sögur af jólasveinunum. Lagt af stað frá Mörkinni 6 kl. 18.00 á föstudegi.

Enn einu stórvirki Ferðafélags Akureyrar er lokið með smíði nýs varðarhúss auk gistiaðstöðu í Laugafelli. Á fallegum degi í haust opnaði  Hilmar Antonsson nýtt og glæsilegt varðarhús í Laugafelli og gaf því nafnið Þórunnarbúð. 

Hornstrandafarar FÍ standa fyrir göngugleði alla sunnudaga í vetur.  Að venju er lagt af stað frá Mörkinni 6 kl. 10.30 eftir að þátttkakendur hafa komist að lýðræðislegri og sameiginlegri niðurstöðu hvert skuli haldið.  Gönguferðir göngugleðinnar eru allar í nágrenni Reykjavíkur og sameinast er í bíla að upphafsstað göngu. Gönguferðin getur tekið 3 - 6 klst eftir atvikum, veðri og stemmingu.  Ef aðstæður eru góðar er vinsælt að fara á gönguskíði. Mikilvægt er að vera í góðum hlífðarfatnaði, með húfu og vettliinga og taka með sér nesti í bakpoka. Þátttaka er ókeypis í göngugleðina og allir velkomnir.

Helgarferð frá föstudegi til sunnudags þar sem farið verður í gönguferðir og stjörnuskoðun. Aðventustemmning með jólaföndri og kvöldvöku þar sem sagðar verða sögur af jólasveinunum. Lagt af stað frá Mörkinni 6 kl. 18.00 á föstudegi. Verð kr. 10.000 fyrir fullorðinn, kr. 5.000 fyrir barn, fjölskylduverð kr. 20.000. Innifalið: rúta, gisting, föndurefni og fararstjórn. Þátttakendur taka með sér nesti og góðan búnað.

Nafnfræðifélagið efnir til fræðslufundar  laugardaginn 20. nóvember 2010, í stofu N131 í Öskju, náttúrufræðahúsi Háskóla Íslands, og hefst hann kl. 13.15. Guðlaugur Rúnar Guðmundsson,  cand. mag. í sagnfræði, flytur fyrirlestur sem hann nefnir Nokkur gömul, ný og horfin kennileiti og örnefni á heimajörðum Kópavogskaupstaðar